انگلینڈ کے خلاف ٹیسٹ سیریز کے لیے پاکستان کرکٹ ٹیم کے اسکواڈ کا اعلان ہونے کے بعد فاسٹ بولر حسن علی کا بیان سامنے آگیا۔
حسن علی نے سماجی رابطے کی ویب سائٹ ٹوئٹر پر انگلینڈ کے خلاف ٹیسٹ سیریز کے لیے اسکواڈ میں شامل کیے جانے والے کھلاڑیوں کو مبارکباد دی اور کہا کہ میرے ان تمام دوستوں کو مبارک ہو جو انگلینڈ کے خلاف ٹیسٹ سیریز کے لیے ٹیم کا حصہ بنے ہیں۔
حسن علی کا ٹوئٹ میں مزید لکھا کہ انشاء اللّٰہ میں ڈومیسٹک کرکٹ میں سخت محنت کر کے ٹیم میں اپنی جگہ واپس حاصل کروں گا۔
حسن علی کے اس پیغام پر آل راؤنڈر شاداب خان نے دوست کی حوصلہ افزائی کی اور لکھا کہ اسی لیے تمہاری ذہنیت چیمپیئن جیسے لوگوں کی ہے۔
Congratulations to all my teams mates who got selected for the England Test series. InshAllah I will work hard in the ongoing domestic season and earn my place back in the National Team 🇵🇰❤️#PakistanZindabad pic.twitter.com/q7KaISCwle
— Hassan Ali 🇵🇰 (@RealHa55an) November 21, 2022
شاداب خان نے لکھا کہ آپ ہمیشہ اپنی ٹیم کو سپورٹ کرتے ہیں اور سخت محنت کرتے ہیں۔
This is why you have champion mentality. You always support your team and always work hard. https://t.co/AvhUzXQan9
— Shadab Khan (@76Shadabkhan) November 21, 2022
واضح رہے کہ گزشتہ روز انگلینڈ کے خلاف تین ٹیسٹ میچز پر مشتمل ہوم سیریز کے لیے پاکستانی اسکواڈ کا اعلان کردیا گیا تھا۔ چیف سلیکٹر محمد وسیم نے لاہور میں پریس کانفرنس میں 18 رکنی اسکواڈ کا اعلان کیا تھا۔
اعلان کردہ اسکواڈ کے مطابق بابر اعظم (کپتان)، محمد رضوان، عبداللہ شفیق، ابرار احمد، اظہرعلی، سرفراز احمد، فہیم اشرف، حارث رؤف، امام الحق، محمد علی بھی ٹیم کا حصہ ہوں گے
اس کے علاوہ محمد نواز، محمد وسیم جونیئر، نسیم شاہ، نعمان علی، سلمان علی آغا، سعود شکیل، شان مسعود اور زاہد محمود بھی 18 رکنی اسکواڈ کا حصہ ہوں گے۔
