حزب اللہ کے شہید سربراہ حسن نصر اللہ کی تدفین کے حوالے سے مختلف خبریں زیر گردش ہیں۔
ایرانی میڈیا مہر کے مطابق شہید حسن نصر اللہ کی تجہیز و تکفین کے حوالے سے متضاد خبریں آ رہی ہیں، تاہم ایک بات یقینی ہے کہ ان کا جسدِ خاکی لبنان سے باہر نہیں لے جایا جائے گا۔
عراقی ذرائع ابلاغ کے مطابق حسن نصراللہ کو بیروت میں تشییع کے بعد کربلائے معلیٰ منتقل کیا جائے گا، جہاں ان کی تدفین ہوگی تاہم حزب اللہ کے رہنماؤں نے اس خبر کی تردید کی ہے۔
شرق الاوسط کے مطابق حزب اللہ کے قریبی ذرائع نے کہا ہے کہ شہید کو تدفین کے لیے عراق نہیں لے جایا جائے گا، ان کی تشییع اور تدفین لبنان میں ہوگی، تاہم تاریخ کا ابھی تک تعین نہیں کیا گیا ہے۔
شدید نقصان سے دوچار حزب اللہ نے دوبارہ منظم ہونے کی جدوجہد شروع کر دی
یہ بھی بتایا جا رہا ہے کہ ان کی تشییع جنازہ میں اعلیٰ شخصیات کی شرکت متوقع ہے لہٰذا امکان ہے کہ حالات نارمل ہونے تک تاخیر ہوگی، دوسری طرف سومریہ نیوز نے دعویٰ کیا تھا کہ حزب اللہ کے شہید سربراہ کی تشییع آج پیر کو ہونی تھی۔
حزب اللہ کے ساتھ جنگ بندی کے لیے اسرائیل نے شرط پیش کر دی
خیال رہے کہ حسن نصر اللہ کی تشییع کے وقت اور جائے تدفین کے بارے میں کوئی مصدقہ خبر نہیں ملی ہے۔
