The news is by your side.

کلثوم نواز کی گردن پر دوبارہ ٹیومر ہوا ہے: حسن نواز

لندن: سابق وزیر اعظم نواز شریف کے صاحبزادے حسن نواز کا کہنا ہے کہ والدہ کلثوم نواز کی گردن پر دوبارہ ٹیومر ہوا ہے۔ ڈاکٹر مزید سرجری اور ریڈیو تھراپی پر غور کر رہے ہیں۔

تفصیلات کے مطابق سابق وزیر اعظم نواز شریف اور کلثوم نواز کے صاحبزادے حسن نواز کا کہنا ہے کہ والدہ کی گردن پر دوبارہ ٹیومر ہوا ہے۔

انہوں نے بتایا کہ 7 ماہ میں بیگم کلثوم نواز کی 3 سرجری اور 7 بار کیمو تھراپی ہوچکی ہے۔ گزشتہ ہفتے اسکین، سی ٹی سکین، گیلیئم اسکین اور پی ای ٹی سکین ہوئے جس میں دوبارہ ٹیومر کی تشخیص ہوئی۔

حسن نواز کا مزید کہنا تھا کہ ڈاکٹر مزید سرجری اور ریڈیو تھراپی پر غور کر رہے ہیں۔

یاد رہے کہ بیگم کلثوم نواز کو گزشتہ برس اگست میں گلے میں کینسر کی تشخیص ہوئی تھی جس کے بعد سے وہ تاحال لندن میں زیر علاج ہیں۔

اس دوران انہیں سابق وزیر اعظم نواز شریف کے نا اہل ہوجانے کے ان کی خالی نشست این اے 120 سے انتخاب کے لیے نامزد کیا گیا جس میں وہ فتح یاب تو ہوگئیں تاہم وہ ابھی تک وطن واپس آکر اسمبلی رکنیت کا حلف اٹھانے سے قاصر ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں