مکہ المکرمہ : سعودی عرب میں مکہ مکرمہ ریجن کی پولیس نے ہنڈی کا کاروبار کرنے والے دو غیرملکیوں کو گرفتارکیا ہے۔
سعودی ذرائع ابلاغ کے مطابق پولیس ترجمان نے اپنے بیان میں کہا ہے کہ دو مصری شہری مکہ مکرمہ میں غیر قانونی طریقے سے باہر بھجوانے کیلیے غیرملکیوں سے رقوم جمع کررہے تھے۔
پولیس ترجمان نے بتایا کہ خفیہ اطلاع ملنے پر دونوں ملزمان کو رنگے ہاتھوں حراست میں لے لیا گیا اوران کے قبضے سے 1.2 ملین ریال برآمد کرلیے گئے ہیں۔
- Advertisement -
میڈیا کو جاری ایک بیان میں پولیس ترجمان نے مزید کہا کہ دونوں مصری شہریوں کو قانونی کارروائی کے بعد پبلک پراسیکیوشن کی تحویل میں دے دیا گیا ہے۔
