The news is by your side.

Advertisement

پیسوں کی کمی کے باعث حضرت بی بی الیکشن لڑنے سے محروم ہوگئیں

بنوں: پی ٹی آئی چیئرمین عمران خان کے مدمقابل الیکشن لڑنے والی خضرت بی بی پیسوں کی کمی کے باعث انتخابات میں حصہ لینے سے محروم ہوگئیں۔

تفصیلات کے مطابق دو روز قبل خیبرپختونخواہ کے حلقہ این اے 35 سے 97 سالہ خاتون نے کاغذات نامزدگی جمع کرائے تھے لیکن الیکشن لڑنے کے لیے مقررہ رقم کی ادا نہ کرنے کی صورت میں خضرت بی بی انتخابات میں حصہ نہیں لے سکیں گی۔

خیبر پختونخواہ کے علاقے ممباتی بارکزئی سے تعلق رکھنے والی خضرت بی بی کا کہنا ہے کہ بروقت پیسے کی فراہمی نہ ہونے پر الیکشن سے محروم رہی، پہلے قومی اسمبلی کے لیے 3 ہزار روپے تھے اب 30 ہزار ہیں۔


بنوں: عمران خان کے مقابلے میں 97 سالہ خاتون نے کاغذات نامزدگی جمع کروا دیے


ان کا کہنا تھا کہ اس سے قبل صوبائی اسمبلی کے 2 ہزار روپے تھے اب 20 ہزار ہیں، یہی وجہ ہے کہ غریب طبقہ الیکشن میں حصہ لینے سے محروم ہے۔

خیال رہے کہ حضرت بی بی علاقے کی جانی مانی شخصیت ہیں، وہ پانچویں مرتبہ الیکشن لڑتیں اگر وہ رقم کی ادائیگی کردیتیں، بزرگ خاتون بنوں کے حلقہ پی کے نواسی سے بھی الیکشن لڑنے کی خواہش مند تھیں۔

واضح رہے کہ 97 سالہ بزرگ خاتون آزاد امیدوار کی حیثیت سے بنوں میں سربراہ پاکستان تحریک انصاف عمران خان کے مدمقابل تھیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں