تازہ ترین

نو مئی کے مقدمات کی سماعت کرنے والے جج کیخلاف ریفرنس دائر

راولپنڈی: نو مئی کے مقدمات کی سماعت کرنے والے...

توشہ خانہ ریفرنس: نواز شریف کو کلین چٹ مل گئی

اسلام آباد : قومی احتساب بیورو (نیب) نے سابق...

جام شورو انڈس ہائی وے پر خوفناک حادثہ، 6 افراد جاں بحق

دادو : جام شورو انڈس ہائی وے پر ٹریفک...

آئی ایم ایف اور پاکستان کے درمیان معاہدے پر امریکا کا ردعمل

واشنگٹن: امریکا نے عالمی مالیاتی فنڈ (آئی ایم ایف)...

مسلح افواج کو قوم کی حمایت حاصل ہے، آرمی چیف

راولپنڈی: آرمی چیف جنرل عاصم منیر کا کہنا ہے...

بچوں کو سر اور کمر میں درد کیوں ہوتا ہے؟ بے حد آسان علاج

آپ کے بچے کو متعدد مختلف وجوہات کے سبب سر میں اور کمر میں درد ہوسکتا ہے، بچوں میں کمر اور سردرد کی کیا وجوہات ہیں اور اس کا کیا علاج ہے؟

آج کے دور میں کمر اور سر کا درد نوعمر اور بالغ بچوں کی عام شکایت ہے، اس کی بڑی وجہ بھاری بھرکم اسکول بیگز اور موبائل فون کا بے دریغ استعمال ہے۔

اگرچہ چھوٹی عمر کے بچے بھی اس کیفیت میں مبتلا ہوسکتے ہیں لیکن زیادہ تر سر درد کسی سنجیدہ نوعیت کی بیماری کی علامت نہیں ہوتی۔
ابتدائی سر درد کا تعلق دماغ میں ہونے والی کیمیائی تبدیلیوں، اعصابی اور خون کی شریانوں، گردن یا سر کے حصے میں پٹھوں کے تناﺅسے منسلک کیا جاسکتا ہے۔

اس حوالے سے اے آر وائی نیوز کے پروگرام باخبر سویرا میں فزیو تھراپسٹ ڈاکٹر اشبیل جون نے بتایا کہ گیجٹس کا استعمال بچوں میں گردن اور سر کے درد کا بڑا سبب ہے، کمر کا درد بچوں کی ذہنی اور جسمانی صحت کو متاثر کرتا ہے۔

انہوں نے کہا کہ بچوں کو ان کے وزن کا دس فیصد وزنی اسکول بیگ دینا چاہیے اس سے زیادہ وزنی بستہ ان کی ریڑھ کی ہڈی کو نقصان پہنچا سکتا ہے۔

ڈاکٹر اشبیل جون کا کہنا تھا کہ لاک ڈاؤن کے دنوں میں آن لائن کلاسز کے دوران بچے گھنٹوں لیپ ٹاپ یا کمپیوٹر سے سامنے بیٹھے رہتے ہیں جس کی وجہ سے ان کی کمر کے پٹھے بہت متاثر ہوتے ہیں۔

انہوں نے کہا کہ بچوں کو جسمانی بیماریوں سے بچاؤ کیلئے ضروری ہے کہ والدین اور اساتذہ اس کی غیر نصابی اور جسمانی سرگرمیوں کی جانب خصوصی توجہ دیں اور انہیں زیادہ دیر تک اس طرح نہ بٹھائیں کہ وہ چھوٹی سی عمر میں ہی تکالیف کا سامنا کریں۔

Comments

- Advertisement -