The news is by your side.

Advertisement

دنیا کے سب سے بڑے خاندان کے سربراہ انتقال کرگئے

نئی دہلی : 38 بیگمات اور 89 بچوں پر مشتمل دنیا کے سب سے بڑے خاندان کے سربراہ کا بھارت میں انتقال ہوگیا۔

غیر ملکی خبر رساں ادارے کی رپورٹ کے مطابق بھارتی ریاست میزورام کے ضلع سیرشب کے گاؤں تلنگموام میں مقیم زیونا چنا ہائی بلڈ پریشر اور شوگر جیسے موذی مرض میں مبتلا ہوکر 76 برس کی عمر میں دنیا سے کوچ کرگئے۔

زیونا چنا 38 بیویوں کے شوہر تھے جن سے 89 اولادیں تھیں، درجنوں بیویاں اور 89 بچوں اور متعدد پوتے پوتیوں کے باعث زیونا چنا کا خاندان دنیا کا سب سے بڑا خاندان سمجھا جاتا تھا۔

وزیر اعلیٰ میزورام کا کہنا ہے کہ زیونا چنا اور ان کے خاندان کی بدولت گاؤں سیاحوں کی دلچسپی کا مرکز تھا۔

خیال رہے دنیا کے سب سے بڑے خاندان کے تمام افراد مل جل کر ایک بڑے گھر میں رہ رہے ہیں، زیونا نے ایک انٹرویو کے دوران بتایا تھا کہ ان کی بیویاں رشتہ لیکر خود ان کے پاس آئی تھی جسے وہ منع نہیں کرسکے اور خاندان بڑھتا گیا۔

Comments

یہ بھی پڑھیں