ویسے تو سر کے درد کو کوئی مرض نہیں گردانا جاتا لیکن اس کی شدت کو پورے جسم کو متاثر کرتی ہے، جس کیلئے اکثر لوگ درد سے فوری نجات کی ادویات کا استعمال کرتے ہیں۔
یہاں یہ بات بھی قابل ذکر ہے کہ سر کے درد کی وجہ سے انسانی جسم دیگر سرگرمیاں کرنے کے قابل نہیں رہتا۔
طبی ماہرین کے مطابق ان ادویات کے استعمال سے سردرد سے نجات انسانی صحت پر منفی اثرات مرتب کر سکتی ہے۔ تاہم سر درد سے فوری نجات کے لیے یہ چند عادات ہر ایک کے لیے بہت مددگار ثابت ہو سکتی ہیں۔
سر درد اکثر بلڈ پریشر اور شوگر کے عدم توازن کی وجہ سے ہوتا ہے، اس لیے جب بھی سر میں درد ہو تو اپنی خوراک میں غذائی اجزاء شامل کریں۔ اپنی خوراک میں پھل، سبزیاں، اناج اور پروٹین شامل کرنا یاد رکھیں۔
اس کے علاوہ ایک مختصر نیند لینا بھی سر درد سے جلد آرام کا ایک اچھا حل ہے۔ پانی کی کمی بھی سر درد کا سبب بن سکتی ہے، اس لیے پورے دن وافر مقدار میں پانی پینا یقینی بنائیں۔
دباؤ والے کام بھی سر درد کا باعث بنتے ہیں، اس لیے بہتر ہے کہ کام منظم طریقے سے کریں۔ سر درد سے جلد آرام کے لیے چائے پینا عام بات ہے، چائے میں موجود کیفین سر درد کا بہترین علاج ہے۔
