The news is by your side.

Advertisement

ڈینگی وائرس کے علاج کی مفت سہولیات دستیاب ہیں، عامر کیانی

اسلام آباد: وفاقی وزیر صحت عامر کیانی نے کہا ہے کہ اسپتالوں میں ڈینگی وائرس کےعلاج کی مفت سہولت دستیاب ہیں، شہری علامات ظاہر  ہونے کی صورت میں ڈاکٹرز سے فوری رجوع کریں۔

ان خیالات کا اظہار انہوں نے ڈینگی مرض کی روک تھام اور تدارک کے لیے منعقدہ آگاہی مہم سے خطاب کرتے ہوئے کیا۔ عامر کیانی کا کہنا تھا کہ وزارت صحت ڈینگی کی روک تھام کے پیشگی اقدامات کررہی ہے لہذا متعلقہ ادارے ڈینگی کےتدارک کیلئےفوری حکمتِ عملی مرتب کریں۔

اُن کا کہنا تھاکہ ادارےڈینگی لاروا کےخاتمے،تشخیص، اسپتالوں میں بیڈز اور مریضوں کو ادویات کی فراہمی یقینی بنائیں، عوام اور سرکاری نمائندے بھی محکمہ صحت سےتعاون کریں۔

مزید پڑھیں: اسلام آباد میں‌ ڈینگی وائرس پھیلنے کا خدشہ، اسپتالوں‌ کو پیشگی اقدامات کرنے کی ہدایت

عامر کیانی نے شہریوں سے اپیل کی کہ وہ گھر کے اندر اور باہر  پانی کھڑا نہ ہونےدیں، برتن اچھی طرح سےڈھانپ کر رکھیں، ٹائرشاپس، کباڑخانوں سےمتعلق دی جانے والی ہدایات پر عمل کریں اور ڈینگی کی علامات ظاہرہونے پر ڈاکٹر سے فوری رجوع کریں۔

اُن کا کہنا تھا کہ محکمہ صحت کی کی ٹیمیں ڈینگی کی روک تھام کیلئےگھر گھر جاکر آگاہی دے رہی ہیں، اسپتالوں میں علاج کی مفت سہولیات فراہم کردی گئیں۔

یاد رہے کہ ایک روز قبل وزارتِ صحت کی جانب سے مراسلہ جاری کیا گیا تھا جس میں کہا گیا تھا کہ راولپنڈی، اسلام آباد کے ریڈ زون میں ڈینگی وائرس کے شواہد موجود ہیں، متعلقہ ادارے تدارک کے لیے حکمتِ عملی مرتب کریں۔ مراسلے میں کہا گیا ہے کہ اسلام آباد میں ہر سال متعدد افراد ڈینگی مرض کا شکار ہوجاتے ہیں لہذا اسپتالوں میں بیڈز اور ادویات کی میں موجودگی کو ہر صورت یقینی بنایا جائے اور مرض کی تشخیص کے لیے بھی اقدامات کیے جائیں۔

وزارتِ صحت کے مراسلے میں ہدایت کی گئی تھی کہ ڈبلیو ایچ او کی ہدایت کی روشنی میں ڈینگی سے نمٹنے کے انتظامات کیے جائیں اور بالخصوص حساس علاقوں میں لاروا کے خاتمے کے لیے بھی اقدامات کیے جائیں۔

Comments

comments

یہ بھی پڑھیں