پشاور: پشتو زبان کی گلوکارہ مہ جبین قزلباش کو دل کا دورہ پڑنے پر اسپتال منتقل کر دیا گیا۔
اطلاعات کے مطابق گلوکارہ مہ جبین قزلباش کو ہارٹ اٹیک کے باعث فوری طور پر لیڈی ریڈنگ اسپتال منتقل کیا گیا ہے جہاں ماہر ڈاکٹرز کی زیر نگرانی ان کا علاج جاری ہے۔
معلوم ہوا ہے کہ گلوکارہ کی حالت تشویشناک ہے اور انہیں انتہائی نگہداشت وارڈ (آئی سی یو) میں منتقل کر دیا گیا ہے۔
ترجمان لیڈی ریڈنگ اسپتال کا کہنا ہے کہ گلوکارہ کو دل میں تکلیف کے باعث ایمرجنسی میں لایا گیا تھا جہاں انہیں ہنگامی طبی امداد دی گئی۔
واضح رہے کہ معروف گلوکارہ مہ جبین نے بے شمار پشتو اور اردو گیت گائے ہیں جب کہ اردو میں ان کی کئی غزلیں بھی بے پسند کی گئیں۔
مہ جبین نے عمران خان سے متاثر ہو کر تحریک انصاف میں شمولیت کا اعلان کیا تھا اور وہ پی ٹی آئی کے دھرنے میں بھی شریک ہوئی تھیں۔
Comments
- Advertisement -
