امراض قلب دنیا بھر میں اموات کی ایک بڑی وجہ ہیں، اور حال ہی میں ایک تحقیق میں انکشاف ہوا کہ گزشتہ 3 دہائیوں میں اس کی شرح اموات میں اضافہ ہوا ہے۔
ورلڈ ہارٹ فیڈریشن نے دل کے امراض سے اموات کی شرح میں ہوشربا اضافہ رپورٹ کردیا، رپورٹ میں انکشاف کیا گیا کہ گزشتہ 30 برس میں دنیا بھر میں دل کے امراض سے اموات کی شرح 60 فیصد بڑھ گئی ہے۔
ورلڈ ہارٹ فیڈریشن کی رپورٹ میں بتایا گیا کہ 1990 میں دل کی بیماریوں سے 1 کروڑ 21 لاکھ اموات ہوئی تھیں۔
- Advertisement -
رپورٹ میں مزید بتایا گیا کہ 2021 میں دنیا بھر میں امراض قلب سے 2 کروڑ 10 لاکھ اموات ریکارڈ کی گئی ہیں
رپورٹ کے مطابق کم اور درمیانی فی کس آمدنی والے ممالک میں دل کی بیماریوں سے اموات میں زیادہ اضافہ ہوا ہے۔
