انگلش ویمن کرکٹ ٹیم کی کپتان ہیتھر نائٹ بھی قومی ٹیم کے وکٹ کیپر بلے باز محمد رضوان کی مداح نکلیں۔
تفصیلات کے مطابق انگلینڈ کرکٹ بورڈ کے ٹویٹر اکاؤنٹ پر ویمن ٹیم کی کپتان ہیتھر نائٹ نے شائقین سے سوال و جواب سیشن رکھا اور مداحوں کے سوالات کے جوابات دیے۔
ایک صارف نے ہیتھر نائٹ سے سوال کیا کہ آپ کی پی ایس ایل میں پسندیدہ ٹیم کونسی ہے؟
اس کا جواب دیتے ہوئے انگلش ویمن ٹیم کی کپتان نے کہا کہ ’انہیں ملتان سلطانز کی ٹیم پسند ہے کیونکہ وہ محمد رضوان کی بہت بڑی مداح ہیں۔
Multan Sultans, big fan of Rizwan https://t.co/wBId0crAyJ
— England Cricket (@englandcricket) March 3, 2022
واضح رہے کہ محمد رضوان آئی سی سی ٹی ٹوینٹی بیٹسمین کی رینکنگ میں دوسرے نمبر پر موجود ہیں۔
پی ایس ایل 7 میں سلطانز کے کپتان رضوان نے 126.68 کی اوسط سے 546 رنز بنائے، ان کی ٹیم کو فائنل میں لاہور قلندرز سے شکست ہوئی تھی۔
محمد رضوان نے پی ایس ایل 7 کے بہترین وکٹ کیپر کا اعزاز بھی حاصل کیا، انہوں نے 12 میچز میں اسٹمپ کے پیچھے نو بلے بازوں کا شکار کیا۔