The news is by your side.

Advertisement

پنجاب کے مختلف علاقوں میں آندھی اور موسلادھار بارش

لاہور: صوبہ پنجاب کے مختلف علاقوں میں رات گئے آندھی اور تیز بارش ہوئی جس سے نشیبی علاقوں میں پانی جمع ہوگیا۔

تفصیلات کے مطابق پنجاب کے دارالحکومت لاہور، خانیوال، بھکر، فیصل آباد، جھنگ، منڈی بہاؤالدین سمیت مختلف شہروں میں آندھی اور موسلادھار بارش موسم سہانا ہوگیا۔

موسلادھار بارش کے لاہور، فیصل آباد سمیت مختلف شہروں میں نشیبی علاقوں میں پانی جمع ہوگیا اور کئی علاقوں میں بجلی کی فراہمی معطل ہوگئی۔

محکمہ موسمیات کے مطابق بالائی اور وسطی علاقوں میں بھی مون سون بارشوں کا سلسلہ جاری ہے جبکہ آئندہ ہفتے سے مون سون ہواؤں کی شدت میں اضافے کا امکان ہے۔

کراچی میں آج مطلع جزوی طور پر ابرآلود رہے گا، محکمہ موسمیات

دوسری جانب شہر قائد میں گزشتہ روز ہونے والی بوندا باندی کی وجہ سے گرمی کی شدت میں کمی ہوئی ہے محکمہ موسمیات کے مطابق کراچی میں آئندہ 24 گھنٹوں کے دوران مطلع ابرآلود رہنے اور بوندا باندی کا امکان ہے۔

Comments

یہ بھی پڑھیں