The news is by your side.

Advertisement

کراچی: گرج چمک کے ساتھ بارش، کئی فیڈر ٹرپ، نجی اسکولز کا ادارے بند رکھنے کا اعلان

کراچی: شہر قائد میں‌ رات کے وقت گرج چمک کے ساتھ تیز بارش ہوئی، جس سے کئی فیڈر ٹرپ کر گئے.

تفصیلات کے مطابق دوپہر کی برسات کے بعد رات میں بھی کراچی میں بادل برسے،  طوفانی بارش کے باعث آل سندھ پرائیوٹ اسکولز ایسوسی ایشن نے کل بہ روز  جمعرات اسکولز  بند رکھنے کا اعلان کردیا۔

نارتھ کراچی، نیوکراچی، شادمان ٹاؤن، بفرزون، گلشن اقبال،گلستان جوہر، ملیر، گلزار ہجری میں تیز بارش ہوئی،  بارش کے ساتھ آندھی اور تیز  ہوائیں چلیں، ایئرپورٹ کے اطراف آندھی کے دوران ہوا کی رفتار 63 کلومیٹر ریکارڈ کی گئی.

صفورہ چورنگی، اورنگی ٹاؤن، جمشید ٹاؤن، سائٹ ایریا، ایف بی ایریا، ناظم آباد میں بھی گرج چمک کے ساتھ بارش ہوئی. بلدیہ ٹاؤن،اتحاد ٹاؤن میں بھی تیز ہواؤں کے ساتھ بادل برسے.

تیزآندھی اوربارش کے باعث کئی علاقے بجلی سے محروم ہوگئے، کے الیکٹرک کے 417 فیڈر بند ہوگئے.

مزید پڑھیں: بارش کی پہلی بوند کے ساتھ شہر کے کئی علاقوں میں بجلی کی فراہمی معطل

شاہ فیصل کالونی، گرین ٹاؤن، گلشن اقبال، گلستان جوہر، اسٹار گیٹ، موریہ خان گوٹھ، وائر لیس گیٹ، الفلاح، ماڈل کالونی، کاظم آباد سوسائٹی، پی آئی اے سوسائٹی میں بجلی بند ہوگئی.

نارتھ کراچی، بفرزون، شادمان ٹاؤن، گلبہاررضویہ سوسائٹی میں بجلی کی فراہمی معطل ہونے کی اطلاعات ہیں.

 آل سندھ پرائیوٹ اسکولز ایسوسی ایشن کے مطابق اسکولز بند رکھنے کا فیصلہ شہر میں تیز بارش کے باعث کیا گیا، البتہ سرکاری اداروں کی جانب سے ابھی موقف سامنے نہیں آیا۔

Comments

comments

یہ بھی پڑھیں