راولپنڈی، اسلام آباد اور گردونواح میں موسلا دھاربارشوں کا سلسلہ جاری ہے، نالہ لئی میں پانی کی سطح میں اضافے کے باعث وارننگ جاری کردی گئی۔
اے آر وائی نیوز کے مطابق نالہ لئی گوالمنڈی کے مقام پرپانی کی سطح 19فٹ تک بلند ہوگئی، نالہ لئی کٹاریاں کے مقام پر پانی کی سطح 22.7فٹ تک بلند ہوچکی ہے۔
ایم ڈی واسا سلیم اشرف نے نشیبی علاقوں اور نالہ لئی کے اطراف کے علاقوں کا دورہ کیا، اس موقع پر ان کا کہنا تھا کہ نشیبی علاقوں میں واساکاعملہ اور ہیوی مشینری نکاسی آب کیلئے موجودہے۔
پاکستان میں مون سون کی بارشوں کا دورانیہ اور اہمیت
پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔
کراچی میں مون سون کا اگلا اسپیل کب داخل ہوگا؟
تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔
