کراچی: کراچی کے مختلف علاقوں ایک بار پھر تیز بارش کا سلسلہ شروع ہوگیا ہے۔
تفصیلات کے مطابق مون سون سسٹم کے تحت کاٹھور،گڈاپ،نوری آبادایم نائن موٹروے پرتیز بارش کا سلسلہ ہوگیا ہے، جس کے باعث گرمی کے ستائے شہریوں کے چہرے خوشی سے کھل اٹھے ہیں۔
گلشن اقبال، سہراب گوٹھ،شارع فیصل، گلزارہجری،اسکیم 33، سولجربازار،صدر،گارڈن اوراطراف میں بھی بارش کا سلسلہ جاری ہے، شارعٖ فیصل پر ہونے والی بارش کے باعث ٹریفک کے نظام میں خلل پڑا اور دفاتر سے گھروں کو جانے والی شہریوں کو مشکلات پیش آئیں۔
یہ بھی پڑھیں: کراچی میں بارش متوقع، سی اے اے نے الرٹ جاری کردیا
دوسری جانب جامشورو ہائی ٹینشن لائن پر آسمانی بجلی گرنے کے باعث کراچی کے متعدد علاقے بجلی سے محروم ہوگئے ہیں جبکہ کے الیکٹرک کا دعویٰ ہے کہ ضروری مرمت کے بعد متعدد علاقوں میں بجلی فراہم کردی گئی ہے۔
اطلاعات کے مطابق مین لائن ٹرانسمیشن میں خرابی کے باعث کےالیکٹرک کے 1900 میں سے 1400فیڈرز ٹرپ کرگئے تھے۔
واضح رہے کہ محکمہ موسمیات نے یکم ستمبر سے تین ستمبر تک سندھ میں تیز بارش کو الرٹ جاری کررکھا ہے۔
