روم: اٹلی میں ایک مسافر بردار ہیلی کاپٹر اپنی منزل مقصود پر پہنچنے سے قبل ہی لاپتہ ہوگیا جس کے تلاش شروع کر دی گئی ہے۔
غیر ملکی میڈیا کے مطابق ہیلی کاپٹر ایک نجی کمپنی کا ہے جو کیڑے مار دوائیں بناتی ہے۔ ان میں سات افراد سوار تھے اور ان میں سے چار مسافر ترک شہری تھے۔
ہیلی کاپٹر نے آج صبح لوکا ایئرپورٹ سے ٹریویزو کے لیے اڑان بھری تھی لیکن مقررہ وقت پر اپنی منزل مقصود تک نہیں پہنچ سکا اور لاپتہ ہوگیا۔
تلاش کے لیے سرچ آپریشن شروع کر دیا گیا ہے۔ خدشہ ہے کہ ہیلی کاپٹر حادثہ کا شکار ہوکر تباہ ہوگیا ہوگا۔
Helicopter with 4 Turkish nationals on board goes missing in Italy https://t.co/FCuQGwggC4 pic.twitter.com/tV3gQZVLNA
— ANADOLU AGENCY (@anadoluagency) June 10, 2022
اٹلی کی وزارت خارجہ کا کہنا ہے کہ لوکا سے اڑان بھرنے والے ہیلی کاپٹر سے ریڈار کا رابطہ منقطع ہوگیا تھا، اطالوی ماہرین کی ٹیمیں ہیلی کاپٹر کی تلاش شروع کر دی۔
خیال رہے کہ گزشتہ ماہ نیپال میں چھوٹا مسافر بردار طیارہ لاپتہ ہوگیا تھا۔ طیارے میں 22 مسافر سوار تھے جن میں 13 نیپالی، 2 جرمن اور 4 بھارتی باشندوں کے ساتھ ساتھ عملے کے 3 ارکان بھی شامل تھے۔
نیپال کی تارا ایئر لائنز کا یہ جہاز دوران پرواز غائب ہوا۔ ٹوئن اوٹر ایئرکرافٹ نے صبح نو بج کر 55 منٹ پر نیپال کے مغربی قصبے پوکھارا سے اڑان بھری تھی لیکن جلد ہی اس کا ایئر ٹریفک کنٹرول سے رابطہ منقطع ہوگیا تھا۔
تارا ایئر کے ترجمان نے بتایا تھا کہ طیارہ پوکھارا سے جوم سوم کے درمیان محو پرواز تھا جس دوران اس کا رابطہ ایئر ٹریفک کنٹرول سے منقطع ہوا، طیارے میں 19 مسافر جبکہ عملے کے تین ارکان موجود تھے۔