ہیرہ پھیری 3 کو بچانے کے لیے پرانے اداکاروں کو آزمانے کا فیصلہ کرلیا گیا ہے۔
جی ہاں آپ نے صیح سُنا، معروف ادکار اکشے کمار، سنیل سیٹھی اور پریش روال ہیراپھیری فلم میں اپنے اصلی کرداروں میں نظر آئینگے۔
اس کے علاوہ مشہور اداکار راجو، ببوراو گنپت اپتی بھی فلم ہیرا پھیری تھری میں ایک ساتھ اداکاری کرنے کے لیے تیار ہیں۔
ہیرا پھیری فلم کے تیسرے پارٹ میں پہلی سیریز جو 2000 اور دوسری قسط 2006 میں کام کرنے والے اداکاروں کو موقع دینے کا فیصلہ کیا گیا ہے۔
تاہم فلم میں کام کرنے والی اداکارہ کا کوئی فیصلہ نہیں ہوا، امکان ظاہر کیا جارہا ہے کہ نئی فلم میں تبو، بپاشا باسو یا رمی سین میں سے کسی ایک اداکارہ کو منتخب کیا جاسکتا ہے۔
یہ فیصلہ فلم ڈائریکٹر نیراج وہرہ کی جانب سے اُس وقت کیا گیا ہے کہ جب اداکار جوہن ابراہم نے نجی مصروفیات کے باعث فلم کی شوٹنگ میں حصہ لینے سے منع کردیا تھا۔
جان ابراہم گزشتہ تین ماہ سے دبئی میں روہیت دھون کی فلم ڈش روم کی شوٹنگ میں مصروف ہیں جبکہ ابھیشیک بچن کو بھی فلم سے آؤٹ کردیا گیا ہے۔
جان ابراہم نے فلم میں کام نہ کرنے کے حوالے سے پوچھے گئے سوال کے جواب میں کہا کہ ’’ وقت کی کمی کے باعث میں فی الحال کسی اور فلم میں کام نہیں کرسکتا ‘‘۔
واضح رہے ہیرا پھیری 3 کی شوٹنگ گزشتہ سال جون میں شروع کی گئی تھی مگر کچھ وجوہات کی بناء پر فلم کی شوٹنگ میں تاخیر کا سامنا کرنا پڑا جس کے باعث اب فلم 2017 میں ریلیز کی جائے گی۔
