site
stats
عالمی خبریں

جامع مسجد ہرات کی رنگوں بھری تعمیر نو

کابل: ایک طویل عرصے تک جنگ کا شکار رہنے والے ملک افغانستان کا بیشتر ثقافتی سرمایہ جنگ کی نظر ہوچکا ہے۔ انہی میں سے ایک سب سے بڑے افغان شہر ہرات کی جامع مسجد بھی ہے جس کی آسماں جیسی نیلگوں خوبصورتی دھول مٹی سے اٹ چکی تھی۔

یہ جامع مسجد ہرات کے ایک چھوٹے سے پارک میں واقع ہے۔ طویل عرصے تک جاری رہنے والی جنگ میں اس مسجد کو بھی خاصا نقصان پہنچا۔ گو کہ اس کی جاہ و حشمت میں تو کوئی کمی نہ آئی البتہ خوبصورت ٹائلوں سے مزین چند دیواریں ٹوٹ پھوٹ کا شکار اور بے رنگ ہوگئیں۔

رواں برس کے آغاز میں چند کاریگروں کو مسجد کے تباہ حال حصے کی دوبارہ مرمت اور بحالی کا کام سونپا گیا۔

ان کاریگروں کا کام بلاشبہ دنیا کا خوبصورت اور رنگین ترین کام ہے۔ افغان نقاشی کا شاہکار اس مسجد میں اصل کام اس کی زیبائش اور رونگ و روغن بحال کرنا ہے تاکہ یہ مذہبی حیثیت کے ساتھ ساتھ اپنی سیاحتی اہمیت بھی واپس حاصل کر سکے۔

مسجد کے لیے نیلگوں ٹائلز بنانے والے کاریگر اس کام کو اپنے لیے باعث فخر سمجھتے ہیں۔

وہ یہاں آنے والے سیاحوں کو اپنی عارضی ورکشاپ کا دورہ بھی کرواتے ہیں جہاں مسجد کے لیے خوبصورت ٹائلز کی تیاری کا کام جاری ہے۔

ہرات کا موتی کہلانے والی یہ مسجد دنیا بھر کی خوبصورت ترین مساجد میں سے ایک سمجھی جاتی ہے۔

مضمون و تصاویر بشکریہ: بی بی سی ٹریول


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top