لاہور: وزیراعلیٰ پنجاب پرویزالٰہی کا کہنا ہے کہ عمران خان سے جو وعدہ کیا اسے نبھایا، آئندہ بھی ان کا ساتھ دیں گے۔
تفصیلات کے مطابق وزیراعلیٰ پنجاب پرویزالٰہی کی زیر صدارت اعلیٰ سطح کا مشاورتی اجلاس ہوا ، جس میں اسمبلی تحلیل کی ایڈوائس کے بعد قانونی و آئینی پہلوؤں کا جائزہ لیا گیا۔
اجلاس میں نگران وزیراعلیٰ کے نام کے حوالے سے بھی غور کیا گیا، اس موقع پر وزیراعلٰی پنجاب پرویزالٰہی نے کہا کہ عمران خان سے جو وعدہ کیا اسے نبھایا۔
- Advertisement -
پرویزالٰہی کا کہنا تھا کہ ہم جس کے ساتھ چلتے ہیں،خلوص اور دل سے ساتھ دیتے ہیں، عمران خان کی آواز پر لبیک کہا ہے اور آئندہ بھی عمران خان کا ساتھ دیں گے۔
وزیراعلیٰ پنجاب نے کہا کہ قانون آور آئین کے تحت کام کیا ہے، اسمبلی کی تحلیل کے بعد نگران سیٹ اپ مشاورت سے تشکیل پائے گا۔
