The news is by your side.

Advertisement

امریکی صدارتی انتخابات، ہیلری کلنٹن کا بڑا فیصلہ

واشنگٹن: امریکی سابق وزیرخارجہ ہیلری کلنٹن نے فیصلہ کیا ہے کہ وہ صدارتی انتخابات میں امریکی صدر کے خلاف کھڑی نہیں ہوں گی۔

تفصیلات کے مطابق امریکا میں اگلے سال صدارتی انتخابات ہوں گے، ہیلری کلنٹن نے امریکی صدر ڈونلڈ ٹرمپ کے خلاف الیکشن نہ لڑنے کا فیصلہ کیا ہے۔

غیر ملکی خبر رساں ادارے کا کہنا ہے کہ امریکا میں 2016 میں ہونے والے صدارتی انتخابات میں ہیلری کلنٹن کو شکست کا سامنا کرنا پڑا تھا جبکہ 2020 میں وہ دوبارہ الیکشن میں صدر ٹرمپ کے خلاف کھڑی ہونے کا ارادہ نہیں رکھتیں۔

مقامی میڈیا کو انٹرویو دیتے ہوئے پوچھے گئے سوال پر کلنٹن کا کہنا تھا کہ وہ الیکشن میں حصہ نہیں لیں گی البتہ وہ جس موضوع پر کام کررہی ہوں وہ سلسلہ جاری رہے گا۔

انہوں نے کہا کہ امریکا میں جو موجودہ صورت حال ہے اس پر تشویش ہے، اپنے مقصد کے حصول کے لیے آواز اٹھاتی اور کام کرتی رہوں گی۔

صدارتی الیکشن 2016 میں شکست کے بعد کلنٹن کا کہنا تھا کہ روسی سازش کی وجہ سے مجھے انتخابات میں شکست ہوئی جب کہ دوران انتخابی مہم ڈائریکٹر ایف بی آئی کے خط اور وکی لیکس نے ووٹرز کو مجھ سے دور کیا۔

ٹرمپ کے اقدامات دنیا کے لیے خطرے کا باعث ہیں، ہیلری کلنٹن

امریکی صدر ڈونلڈ ٹرمپ سے صدارتی انتخاب میں شکست کھانے والی ہیلری کلنٹن نے ایک کانفرنس سے خطاب کرتے ہوئے کہا تھا کہ صدارتی مہم کےتجربات انتہائی تلخ ہیں گو میری صدارتی مہم میں کچھ کمی رہ گئی تھی جس پر صدارتی انتخاب میں ناکامی کی پوری ذمہ داری بھی لیتی ہوں لیکن اس کے علاوہ بھی کچھ وجوہات تھیں۔

Comments

comments

یہ بھی پڑھیں