بریسٹ کینسر کے اسٹیج 3 میں مبتلا ہونے والی ٹی وی اداکارہ حنا خان نے اپنی صحت سے متعلق ایک بڑی اپ ڈیٹ شیئر کی ہے۔
بھارتی رئیلٹی شو یہ رشتہ کیا کہلاتا ہے اداکارہ نے حال ہی میں ممبئی میں ایک ایوارڈ تقریب میں شرکت کی، جہاں انہوں نے پاپارازیوں کے ساتھ بات چیت کی اسی دوران حنا نے اپنے کینسر کے علاج کے بارے میں ایک بڑا اپ ڈیٹ دیا۔
پاپارازیوں سے گفتگو کرتے ہوئے اداکارہ حنا خان نے کہا کہ ان کی کیموتھراپی اب ختم ہو چکی ہے، اور اب وہ صحت یاب ہو رہی ہیں، میری سرجری بھی ختم ہوچکی، اب میں علاج کی دوسری نوعیت پر ہوں، میں امیونوتھراپی لے رہی ہوں اور سب کچھ ٹھیک چل رہا ہے، اور سب کچھ ٹھیک ہو رہا ہے۔
View this post on Instagram
واضح رہے کہ حنا اکثر سوشل میڈیا پر اپنی صحت کے بارے میں اپ ڈیٹس شیئر کرتی رہتی ہیں ان کے مداح یہ جان کر واقعی خوش ہوں گے کہ وہ صحت یاب ہو رہی ہیں۔
یاد رہے کہ کچھ دن قبل حنا خان کی بیماری سے متعلق روزلین خان نے دعوی کیا تھا کہ اداکارہ اپنی بیماری کا جھوٹ بول رہی ہے، تاہم حنا نے روزلن کے دعووں پر تبصرہ کرنے سے انکار کردیا تھا۔
یہ بھی یاد رہے کہ اداکارہ حنا خان نے جون 2024 میں انسٹاگرام پر اپنے اسٹیج 3 بریسٹ کینسر کے بارے میں انکشاف کیا تھا۔
