بھارتی اداکارہ حنا خان نے چھاتی کے کینسر سے جنگ لڑتے ہوئے کیموتھراپی کے دوران منڈوائے گئے خوبصورت بال کو کار آمد بنالیا۔
فوٹو اینڈ شیئرنگ ایپ انسٹاگرام پر اداکارہ حنا خان نے کینسر کی خبر مداحوں کو دینے کے بعد کیموتھراپی کیلئے اپنے سر کے بال چھوٹے کرواتے ہوئے دلخراش ویڈیو شیئر کی تھی جس میں انکی والدہ روتی نظر آئیں لیکن حنا خان نے بے انتہا ہمت کا مظاہرہ کیا۔
View this post on Instagram
حنا خان سر منڈوانے کے بعد مختلف اسٹائلز کی ووگز پہنی نظر آتی تھیں لیکن اب ایک نئی ویڈیو کے ساتھ انہوں نے یہ انکشاف کیا ہے کہ انہوں نے اپنی خوبصورت زلفوں کی ووگ بنوالی ہے۔
ویڈیو میں دیکھا جاسکتا ہے کہ حنا خان کے ہاتھ میں ایک کیپ ہے جس میں انہوں نے اپنی ترشوائی گئی زلفوں کو لگوایا ہے اور پھر اس کیپ کو پہن کر اپنا نیا دلکش لُک بھی دکھایا۔
View this post on Instagram
اداکارہ حنا خان نے پوسٹ کے کیپشن میں لکھا کہ ’ جس لمحے مجھ میں کیسنر کی تشخیص ہوئی مجھے سمجھ آگیا تھا کہ اب میں اپنی زلفیں کھونے والی ہوں اسی لیے میں نے پہلے ہی خود کسی کے کہے بغیر اپنے بال کاٹ لیے، اس وقت وہ جاندار اور چمکدار تھے، میں نے اس کی خود ووگ بنوائی اور مجھے اب محسوس ہو رہا ہے کہ میرا یہ فیصلہ بہت اچھا تھا کیونکہ اس مشکل وقت میں یہ ووگ مجھے پُرسکون رکھ رہی ہے‘۔
اداکارہ نے لکھا کہ میں تمام پیاری خواتین کو یہ پیغام دینا چاہتی ہوں کہ اگر آپ میرے فیصلے سے اتفاق رکھتی ہیں تو اپنے لیے بھی ایسا ہی کریں کیونکہ اس سے بے انتہا ہمت ملے گی اور مشکل وقت تھوڑا آسان لگے گا، پتا ہے ایسا محسوس ہورہا ہے کہ جیسے میں اپنی کھوئی ہوئی زلفوں سے پھر مل گئی ہوں اور مجھے اسے پہننے کے بعد اپنائیت محسوس ہورہی ہے۔
کینسر میں مبتلا حنا خان نے اپنا سر منڈوالیا، دلخراش ویڈیو وائرل
انہوں نے مزید لکھا کہ یہ دیکھ کر بہت خوشی ہوتی ہے کہ کسی اجنبی کی آنکھیں میری فکر میں نم ہورہی ہیں کہ جب وہ میری تیزرفتار ریکوری کی دعائیں دیتا ہے ، دل سے شکریہ، مجھے پتا ہے کہ سب میرے لیے دعا کر رہے ہیں لیکن پھر بھی کہوں گی دعا کرتے رہیں۔
