بھارتی ریاست مدھیا پردیش میں ایک افسوسناک واقعہ پیش آیا ہے، ہندو انتہا پسندوں کے ایک گروہ نے اندور میں واقع ایک مسجد پر پٹرول بم پھینک دیا اور فرار ہوگئے۔
غیرملکی میڈیا رپورٹس کے مطابق اندور کے علاقے ملہار گنج میں اتوار کی صبح یہ واقعہ رونما ہوا جب کچھ شرپسند عناصر نے اوچھی حرکت کرتے ہوئے مسجد میں پٹرول بم پھینکا، ان کے ساتھ ایک خاتون بھی موجود تھی۔
سوشل میڈیا پر ویڈیو وائرل ہونے کے بعد پولیس نے ملزمان کے خلاف کیس رجسٹرڈ کرلیا ہے، یہ مذموم حرکت وہاں موجود کیمرے میں محفوظ ہوگئی، جس میں دیکھا جاسکتا ہے کہ انتہا پسندوں نے مسجد میں اور سڑک پر پیٹرول بم پھینکا جس سے وہاں آگ لگ گئی۔
This is from Mukeripura, Indore.
Petrol bomb was hurled at a mosque on Friday night. pic.twitter.com/dhr9nozEiO
— Md Asif Khan (@imMAK02) August 6, 2023
پولیس نے وہاں کے رہائشی محمد صابر کی مدعیت میں مقدمہ درج کر لیا ہے، محمد صابر نے پولیس کو بتایا کہ جب وہ لوگ صبح کی نماز ادا کرنے کے لیے مسجد آئے تو انھوں نے وہاں ٹوٹے ہوئے شیشے دیکھے جب کہ دیوار پر جلنے کے نشانات موجود تھے۔
صابر نے بتایا کہ جب سی سی ٹی وی کیمرے چیک کیے گئے تو انھیں اس غنڈہ گردی کا پتا چلا، پولیس نے مذکورہ واقعے کی تحقیقات شروع کردی ہے۔