غیر رجسٹرڈ پرائیویٹ تعلیمی اداروں کیخلاف کریک ڈاؤن کا فیصلہ -
The news is by your side.

Advertisement

غیر رجسٹرڈ پرائیویٹ تعلیمی اداروں کیخلاف کریک ڈاؤن کا فیصلہ

لاہور : صوبہ پنجاب میں تعلیمی نظام کی بہتری کیلئے غیر رجسٹرڈ پرائیویٹ تعلیمی اداروں کی جانچ پڑتال کا فیصلہ کر لیا گیا ہے، اس کے علاوہ سرکاری یونیورسٹیز میں قائم مقام عہدوں کو مستقل کیا جائے گا۔

تفصیلات کے مطابق صوبائی وزیر ہائر ایجوکیشن رضا علی گیلانی نے کہا ہے کہ غیر رجسٹرڈ پرائیویٹ تعلیمی اداروں کے خلاف جلد کریک ڈاؤن شروع کیا جارہا ہے۔ سرکاری یونیورسٹیز میں قائم مقام عہدوں پر جلد مستقل تعیناتی کی جائے گی۔

لاہور کے مختلف تعلیمی اداروں کے طلباء کا بلوچستان میں تفریحی و معلوماتی دورے سے قبل وزیر ہائر ایجوکیشن رضا علی گیلانی نے میڈیا سے گفتگو کرتے ہوئے کہا کہ صوبے میں معیارِ تعلیم بہتر بنانے کے لئے مزید وقت درکار ہے۔

صوبائی وزیر رضا علی گیلانی کا کہنا تھا کہ غیر قانونی پرائیویٹ یونیورسٹیوں کے خلاف جلد کریک ڈاؤن کے لئے کمیشن بنا دیا ہے۔

قائم مقام عہدوں پر مستقل تعیناتی جلد کر دی جائے گی ۔ صوبائی وزیر ہائر ایجوکیشن نے طلباء سے خطا ب کرتے ہوئے کہا کہ پاکستان کا نام اب تعلیم کے لحاظ سے بہتر ممالک کی فہرست میں گنا جا رہا ہے۔

Comments

comments

یہ بھی پڑھیں