پشاور : سپرنٹنڈنٹ جیل نے 16 قیدیوں میں ایچ آئی وی کی تصدیق کردی، متاثرہ قیدی منشیات کےعادی ہیں۔
تفصیلات کے مطابق پشاور سینٹرل جیل کے16قیدیوں میں ایچ آئی وی کی تصدیق ہوگئی۔
سپرنٹنڈنٹ جیل وسیم خان نے بتایا کہ وائرس کی تصدیق قیدیوں کی بلڈ اسکریننگ کےدوران ہوئی، 549 قیدیوں کی جدید آلات کےذریعے بلڈ اسکریننگ کی گئی۔
وسیم خان کا کہنا تھا کہ متاثرہ قیدی منشیات کےعادی ہیں، ان کودوسرے قیدیوں سےالگ رکھا گیاہے۔
سینٹرل جیل میں اس وقت 3400 قیدی ہیں تاہم متاثرہ قیدیوں کا علاج اور کونسلنگ کی جارہی ہے۔
ایچ آئی وی کیا ہے؟
ایچ آئی وی ایک ایسا وائرس ہے جو جسم کے مدافعتی نظام کو متاثر کرتا ہے اور علاج نہ کئے جانے پر ایڈز میں تبدیل ہو سکتا ہے ۔
فی الحال اس کا کوئی مؤثر علاج موجود نہیں ہے، جن کو ایچ آئی وی ہو جاتا ہے تو انہیں یہ بیماری اندگی بھر رہتی ہے لیکن مناسب طبی دیکھ بھال کے ساتھ اسے کنٹرول کیا جا سکتا ہے۔
اس بیماری سے متاثر ہونے والے لوگ اگر اس کا مناسب علاج کرواتے ہیں تو وہ لمبی صحت مند زندگی گزارنے کے ساتھ ساتھ اپنے ساتھیوں کی بھی حفاظت کر سکتے ہیں۔
