The news is by your side.

Advertisement

معروف گلوکارہ اپنی موت کی 5 دہائیوں بعد پھر سے اپنی آواز کا جادو جگانے پہنچ گئیں

مصر کی ایک معروف عرب گلوکارہ ام کلثوم اپنی موت کی 5 دہائیوں بعد ہولو گرام ٹیکنالوجی کے ذریعے ایک بار پھر اپنی آواز کا جادو جگانے کے لیے آگئیں۔

مصری دارالحکومت قاہرہ کے اوپرا ہاؤس میں پیش کیے جانے والے اس شو میں معروف گلوکارہ ام کلثوم کا ہولو گرام پیش کیا گیا۔ سنہری رنگ کے ہالے میں لپٹے ان کے ہولو گرام نے مسحور کن آواز کا جادو جگا کر لوگوں کو سحر زدہ کردیا۔

ام کلثوم مصر کی نہایت معروف گلوکارہ تھیں، انہوں نے کئی مغربی گلوکاروں کو بھی متاثر کیا جن میں سے ایک باب ڈیلن بھی تھے۔ مصر کے بازاروں اور قہوہ خانوں میں اب بھی ام کلثوم کے نغمے سنائی دیتے ہیں۔

ان کے ہولوگرام کے کنسرٹ میں ہزاروں افراد شریک ہوئے۔ کسنرٹ دیکھنے آئے ایک شخص کا کہنا تھا کہ میں نے اپنی دادی سے ام کلثوم کی سحر انگیزی کے بارے میں سنا ہے کہ جب وہ لائیو پرفارمنس پیش کیا کرتی تھیں تو لوگوں کے دلوں کی دھڑکن رک جاتی تھی۔

انہوں نے کہا کہ میں سوچا کرتا تھا کہ کاش میں بھی ان کے کسی کنسرٹ میں شریک ہو پاتا۔ آج اس جدید ٹیکنالوجی کی بدولت میری یہ خواہش کسی حد تک پوری ہوگئی۔

معروف گلوکارہ کو اس طرح پیش کرنے پر مصری سوشل میڈیا پر مختلف آرا کا اظہار بھی کیا جارہا ہے۔

fb-share-icon0
Tweet 20

Comments

comments

یہ بھی پڑھیں