The news is by your side.

Advertisement

کراچی : میاں بیوی کا غیرت کے نام پر قتل ، مقتولہ کے دو بھائی گرفتار

کراچی : ناظم آباد سے میاں بیوی کی لاشیں ملی ہیں، دونوں نے چند ماہ قبل پسند کی شادی کی تھی، پولیس قتل کے الزام میں مقتولہکے دوبھائیوں کو گرفتار کرلیا۔

تفصیلات کے مطابق کراچی کے علاقے ناظم آباد کے ایک گھر سے میاں بیوی کی لاشیں ملی ہیں، مقتولین نے کچھ ماہ قبل پسند کی شادی کی تھی، دونوں افراد کو تیز دھار آلےسے قتل کیا گیا۔

پولیس کے مطابق مقتول کی شناخت 50سالہ سليم سائيں جبکہ مقتولہ کی شناخت حنا کے نام سے ہوئی ہے، پولیس نے لاشیں تحویل میں لے کر مزید قانونی کارروائی کیلئے اسپتال منتقل کردیں۔

اس حوالے سے ایس ایس پی سینٹرل اسلم راؤ کا کہنا ہے کہ میاں بیوی کے قتل میں ملوث دو ملزمان کو گرفتار کیا گیا ہے، دونوں گرفتار قاتل آصف اور اشرف مقتولہ کے سگے بھائی ہیں، ملزمان نے خاندان کی مرضی کے خلاف شادی پر بہن اور اس کے شوہر کو قتل کیا

ایس ایس پی نے بتایا کہ مقتولہ کا اصل نام حنا ہے وہ اس علاقے میں عائشہ کے فرضی نام سے مقیم تھی، مقتول سلیم سائیں اور مقتولہ حنا نے چند ماہ قبل پسند کی شادی کی تھی۔

مقتول سليم سائيں کا اورنگی ٹاؤن ميں آستانہ ہے، مقتولہ اپنی والدہ کے ساتھ سلیم سائیں کے آستانے پر آتی تھی، مقتول سلیم سائیں کی یہ دوسری شادی تھی، مقتولہ کے بھائیوں نے پسند کی شادی کو غیرت کا مسئلہ بنایا اور دونوں کو قتل کردیا۔

fb-share-icon0
Tweet 20

Comments

comments

یہ بھی پڑھیں