کراچی : یورپی یونین کے چیف آبزرور مائیکل گیلر نے کراچی کے پولنگ اسٹیشنز کا دورہ کرتے ہوئے کہا ہے کہ عوام میں الیکشن کے حوالے سے جوش و جذبہ ہے، الیکشن کمیشن کے انتظامات سے مطمئن ہیں۔
تفصیلات کے مطابق پاکستان کے عام انتخابات 2018 کے دوران یورپی یونین کے وفد نے کراچی کے حلقہ این اے 53 کے پولنگ اسٹیشن کا دورہ کیا ہے، پولینگ اسٹیشن کے دورے کے دوران چیف آبزرور یورپی یونین مائیکل گیلر نے کہا ہے کہ امید کرتے ہیں کہ الیکشن کا دن امن و امان کے ساتھ گزرے گا۔
یورپی یونین وف کے چیف آبزرور مائیکل گیلر نے کہا ہے کہ ’وفد نے متعدد پولنگ اسٹیشن کا جائزہ لیا ہے، عوام میں الیکشن کے حوالے سے جوش و جذبہ ہے، الیکشن کمیشن کے انتظامات سے مطمئن ہیں۔
مائیکل گیلر کا کہنا ہے کہ بیلٹ پیپرز بھی چیک کیے ہیں، پولنگ کا جائزہ لینے کے بعد کچھ کہنے کے قابل ہوں گے، دیکھ رہے ہیں پولنگ اسٹیشن پرعملہ موجود ہے یا نہیں۔
عام انتخابات 2018 کے لیے پولنگ کا عمل شروع
واضح رہے کہ پاکستان کے گیارہویں عام انتخابات کے لیے ملک بھر میں پولنگ کا آغاز ہوگیا جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔
انتخابی عمل کے دوران حفاظتی اقدامات کے پیش نظر3لاکھ 70 ہزار فوجی جوان جبکہ ساڑھے چار لاکھ پولیس اہلکار تعینات ہیں، 17 ہزار سے زائد پولنگ اسٹیشنزکوانتہائی حساس قرار دیا گیا ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
