کراچی : کریم آباد میں نجی اسپتال کی لفٹ گرنے کے باعث ایک خاتون جاں بحق ہوگئی، متوفیہ کے ہاں آج ہی ایک بچی کا جنم ہوا تھا۔
تفصیلات کے مطابق کراچی کے علاقے کریم آباد میں واقع نجی اسپتال کی لفٹ گرگئی، جس کے نتیجے میں ایک مریضہ خاتون نے کچھ دیر بعد دم توڑ دیا، اس حوالے سے ریسکیو ذرائع کا کہنا ہے کہ جاں بحق ہونے والی خاتون کی لاش عباسی شہید اسپتال منتقل کردی گئی ہے۔
جاں بحق خاتون کی شناخت 27سالہ سمعیہ کے نام سے ہوئی ہے جنہوں نے آج صبح ہی ایک بچی کو جنم دیا تھا، خاتون کو اسٹریجر پر لفٹ کے ذریعے لے جایا جارہا تھا کہ اچانک لفٹ ٹوٹ گئی۔
- Advertisement -
پولیس کے مطابق مریضہ کو پہلی سے دوسری منزل پر منتقل کیا جارہا تھا اس دوران لفٹ اوپر چلی گئی اور لفٹ کا اسٹیچر آدھا لفٹ میں ہی رہ گیا اور پھر اسٹیچر نیچے گرگیا۔
