یمن تنازعے کے دونوں فریقوں کا کہنا ہے کہ انہوں نے سوئٹزرلینڈ میں اقوام متحدہ اور ریڈ کراس کی بین الاقوامی کمیٹی کے تعاون سے ہونے والے مذاکرات میں قیدیوں کے تبادلے پر اتفاق کیا ہے۔
یمنی حکومتی وفد کے سربراہ نے پیر کو کہا کہ تقریباً 880 قیدیوں کا تبادلہ کیا جائے گا۔
یمن کے ایران سے منسلک حوثی گروپ نے کہا ہے کہ وہ 181 قیدیوں کو رہا کرے گا جن میں 15 سعودی اور تین سوڈانی شامل ہیں۔
- Advertisement -
حوثیوں قیدیوں کے امور کی کمیٹی کے سربراہ عبدالقادر المرتضیٰ اور گروپ کے چیف مذاکرات کار محمد عبدالسلام کا کہنا ہے کہ اپنے 706 قیدیوں کے بدلے میں وہ سعودی و دیگر قیدیوں کا تبادلہ کر رہے ہیں۔
اقوام متحدہ اور آئی سی آر سی نے فوری طور پر اس بات کی تصدیق نہیں کی کہ معاہدہ طے پا گیا ہے۔ سعودی عرب نے بھی حوثی حکام کے بیانات پر کوئی تبصرہ نہیں کیا ہے۔
