بھارت کی ریاست پنجاب میں پولیس خالصتان تحریک کے حامی اور سربراہ ’وارث پنجاب دے‘ امرت پال سنگھ کو تاحال گرفتار کرنے میں ناکام ہوگئی۔
میڈیا رپورٹس کے مطابق پنجاب حکومت امرت پال سنگھ کو پچھلے 4 دونوں سے گرفتار کرنے کی کوشش کر رہی ہے لیکن وہ ہزاروں پولیس اہلکاروں کو چکمہ دینے میں کامیاب رہے۔
اب 30 سالہ امرت پال سنگھ کی بھیس بدل کر فرار ہونے کی سی سی ٹی وی فوٹیج سامنے آئی ہے جس میں وہ موٹر سائیکل سوارو کے ساتھ ہیں۔
پنجاب پولیس نے فوٹیج جاری کرتے ہوئے سربراہ ’وارث پنجاب دے‘ کے ممکنہ بھیس سوشل میڈیا پر شیئر کر دیے۔
Radical K-preacher Amritpal Singh changed clothes, switched from Mercedes to Breeza to motorcycle to escape arrest. Four arrested for helping him escape. Mohali blockade cleared: Punjab Police
Viral CCTV claiming of his escape on bike. Looks fugitive APS can change to escape. pic.twitter.com/eHgE1oGRKU
— Megh Updates 🚨™ (@MeghUpdates) March 21, 2023
یہ بھی پڑھیں: خالصتان ریفرنڈم پر بھارت کی گھبراہٹ، سائبر حملے کرنے لگا
اس سے قبل ایک فوٹیج میں وہ ہفتہ کی صبح تقریباً 11 بج کر 27 منٹ پر شہر جالندھر کے ایک ٹول بوتھ پر نظر آئے۔ وہ کار کی اگلی سیٹ پر کسی شخص کے ہمراہ بیٹھے تھے۔
ٹول بوتھ فوٹیج سے قبل انہیں ایک مرسڈیز میں دیکھا گیا تاہم کچھ گھنٹوں بعد انہوں نے گاڑی تبدیل کی۔ یہی نہیں نلکہ انہوں نے اپنے مذہبی لباس کو قمیض اور پینٹ سے تبدیل کیا جبکہ نیلے رنگ کی پگڑی اتار کر گلابی رنگ کی پہنی۔
پنجاب پولیس کے لیے امرت پال سنگھ کی گرفتاری ایک چیلنج بنتا دکھائی دے رہی ہے۔ اطلاعات ہیں کہ وہ ملک سے فرار ہونے میں بھی کامیاب ہو گئے ہیں۔
