واٹس ایپ چیٹ رشتوں کو بچانے میں مددگار ثابت ہوتی ہے یہ حیران کن دعویٰ ایک تحقیق کے نتائج کے بعد کیا گیا ہے۔
جرنل نیو میڈیا اینڈ سوسائٹی میں شائق تحقیق میں دریافت کیا گیا کہ واٹس ایپ ناصرف جوڑوں کے لیے لڑائی اور صلح کا بہترین مقام ثابت ہوسکتی ہے بلکہ چیٹ کے ذریعے رشتوں کو ٹوٹنے سے بھی بچایا جاسکتا ہے۔
محققین کا ماننا ہے کہ واٹس ایپ سے شریک حیات کا نکتہ نظر سمجھنے میں بھی مدد ملتی ہے اور ایموجیز سے جذبات اور غصے کا اظہار زیادہ بہتر ریقے سے کرنا ممکن ہوتا ہے۔
دلچسپ تحقیق میں 35 سے 50 سال کی عمر کے ایسے 18 جوڑوں کو شامل کیا گیا تھا جن کی شادی کو 5 سال کا عرصہ بیت چکا تھا۔
نتائج میں دیکھا گیا کہ جھگڑے کی صورت میں ان جوڑوں کی جانب سے کس طرح کے رویے کا اظہار کیا جاتا ہے جیسے سرد مہری، جذباتی انداز وغیرہ۔
پھر یہ دیکھا گیا کہ یہی جھگڑا میسجنگ ایپ میں کرنے سے تعلق پر کیا اثرات مرتب ہوتے ہیں۔
نتائج سے معلوم ہوا کہ حقیقی زندگی میں جوڑے جھگڑے کے بعد ایک دوسرے سے بات کرنا چھوڑ سکتے ہیں مگر میسجنگ ایپ پر ایک دوسرے کے پیغامات کو کئی بار پڑھتے ہیں تاکہ نکتہ نظر کو سمجھ سکیں۔
محققین واٹس ایپ سے زندگی بھر کے اس رشتے کو مضبوط بنانے کے لیے ایک اضافی پلیٹ فارم مل جاتا ہے۔
یہ بھی بتایا گیا کہ 1960 یا 1970 کی دہائی میں پیدا ہونے والے افراد ڈیجیٹل طریقوں کی بجائے براہ راست بات کرنا زیادہ بہتر سمجھتے ہیں، مگر ہم نے دریافت کیا کہ ضروری نہیں یہ خیال واقعی درست ہو۔
