پاکستان کے عالمی شہرت یافتہ کامیڈین عمر شریف کی اہلیہ زرین غزل نے مرحوم شوہر کی خوبیوں کا اعتراف کرتے ہوئے ان کی سخاوت کا ایک جذباتی واقعہ مداحوں سے شیئر کیا۔
نجی چینل کے ایک پروگرام میں بات کرتے ہوئے عمر شریف کی اہلیہ زرین غزل نے بتایا کہ ‘عمر کا دل بچوں کی طرح تھا۔ وہ فرض کے ساتھ ساتھ کوئی نفل نماز بھی نہیں چھوڑتے تھے۔
عمر شریف کی اہلیہ زرین نے کہا کہ عمرشریف بیٹیوں کے معاملے میں بہت زیادہ جذباتی تھے کوئی بھی کسی کام سے آجائے بیٹی کا نام سنتے ہی اُن کا دل پگھل جاتا تھا۔
زرین غزل نے ایک واقعہ سنایا کہ ایک دفعہ ایک بوڑھی عورت عمر سے ملنے آئی 4 گھنٹے تک باہر بیٹھی انتظار کرتی رہی جب عمر نے اسے اندر بلایا تو اس کا لہجہ بالکل مختلف تھا۔
اس عورت نے ایک پرچی پر اپنا پتہ لکھ کر مرحوم عمر شریف کو دے دیااور دو منٹ سے بھی کم وقت میں وہ یہ حکم دے کر چلتی بنی کہ بیٹی کی شادی ہے کل لیکن کھانے کا انتظام نہیں ہے۔ 500 لوگوں کا کھانا کل اس پتے پر بھجوادینا۔
مودی سرکار نے کنگنا رناوت کو خوشخبری سنادی
زرین نے مزید کہا کہ ہم سب حیران رہ گئے یہ ہو کیا رہا ہے لیکن عمر نے اسی وقت اپنے پکوان والے کو فون کر کے کہا کہ کل جاؤ اس پتے پر اور کھانے کے علاوہ بھی جس چیز کی ضرورت ہو وہ کرکے آنا۔
