وزیر صحت سندھ عذرا پیچوہو نے چین سے منگوائی گئی سائنو فارم ویکسین کو کورونا وائرس کے خلاف 90 فیصد کارآمد قرار دے دیا۔
ایک بیان میں وزیر صحت نے کہا کہ سندھ میں کورونا ویکسینیشن 3 فروری سےشروع ہوگی، پہلے مرحلےمیں کوروناکیخلاف فرٹ لائن ورکرزکوویکسین لگائی جائے گی۔
انہوں نے سائنو فارم ویکسین کو کورونا وائرس کے خلاف 90 فیصد تک موثر قرار دیتے ہوئے کہا کہ کراچی میں کورنگی اسپتال،اربن ہیتھ سینٹرملیرمیں ویکسین لگائی جائےگی جب کہ قطر، جناح اسپتال، خالق ڈیناہال، لیاقت آباد اسپتال میں انتظام کیا جائے گا۔
آج چین سے کرونا ویکسین سینو فرم کی پہلی کھیپ جس میں 5 لاکھ خوراکیں شامل ہیں پاکستان پہنچ گئی ہے۔ پہلی ترجیح ہیلتھ ورکرز کو ویکسین کی فراہمی ہے۔#VaccineStrategy pic.twitter.com/CxzsqHDNzS
— Government of Pakistan (@GovtofPakistan) February 1, 2021
عذراپیچوہو نے کہا کہ چلدڑن اسپتال اور اوجھا اسپتال میں بھی ویکسین لگانےکاانتظام کیا جائے گا، لمس جامشورو، ایم سی ایچ سینٹر شہید بینظیرآباد کو اے وی سی بنایا گیا۔
نیشنل کمانڈ اینڈ آپریشن سینٹر (این سی او سی) نے کہا ہے کہ پاک فضائیہ کاخصوصی طیارہ چین سےکوروناویکسین کی پہلی کھیپ لےکرپہنچ چکا ہے ، کورونا ویکسین کوای پی آئی کےمرکزی اسٹوریج سینٹر میں منتقل کیا جائے گا۔
ساینوفرم ویکسین کی پہلی کھیپ کی پاکستان آمد
اس موقع پر معاون خصوصی برائے صحت ڈاکٹر فیصل سلطان اور وزیر خارجہ شاہ محمود قریشی کے علاوہ اعلٰی حکومتی حکام موجود تھے،تقریب میں چینی سفیر نونگ رونگ نے چینی حکومت کی طرف سے ویکسین بطور تحفہ پاکستان کے حوالے کی۔ وزیر خارجہ کا خصوصی شکریہ pic.twitter.com/bZdZ7ii4BJ
— Ministry of National Health Services, Pakistan (@nhsrcofficial) February 1, 2021
این سی او سی کا کہنا تھا کہ ہیلتھ گائیڈلائنزمدنظررکھتےہوئےویکسین وفاقی اکائیوں کو فراہم کی جائےگی، ویکسین کی منتقلی کے پلان کواین سی او سی حتمی شکل دےچکا ہے، وقت بچانے کے لئے سندھ ، بلوچستان اور جی بی کوویکسین طیاروں سےفراہم کی جائے گی۔
ویکسین کیا ہے؟#COVIDVaccine #CoronavirusPakistan #PakistanToGetVaccine #VaccinesWork pic.twitter.com/uOzqtwkVQh
— Ministry of National Health Services, Pakistan (@nhsrcofficial) January 29, 2021