The news is by your side.

Advertisement

کتنی عمر کا کھلاڑی کرکٹ کھیلے گا؟ آئی سی سی کا اہم فیصلہ

کرکٹ کے عالمی نگراں ادارے نے بین الاقوامی کرکٹ میں کھلاڑی کی کم از کم عمر 15 سال لازمی قرار دے دی۔

انٹرنیشنل کرکٹ کونسل آئی سی سی کی جانب سے جاری بیان میں کہا گیا ہے کہ ہر قسم کی بین الاقوامی کرکٹ کے لیے کھلاڑی کی کم سے کم عمر 15 سال ہونا ضروری ہے۔

اس فیصلے کا مقصد نوجوان کھلاڑیوں کی حفاظت کو یقینی بنانا ہے۔ یہ فیصلہ تمام طرز کی انٹرنیشنل کرکٹ پر لاگو ہوگا اور اس فیصلے کے زیرِاثر مرد و خواتیں پلیئرز کے ساتھ ساتھ انڈر19 کے کھلاڑی بھی آئیں گے۔

آئی سی سی کے ایونٹس، باہمی سیریز اور انڈر 19 کھیلنے والے کھلاڑیوں کی عمر کی حد 15 سال مقرر کی گئی ہے۔ کسی رعایت کی صورت میں متعلقہ بورڈ پلیئر کی عمر کے حوالے سے آئی سی سی سے اپیل کر سکتا ہے جس میں کھلاڑی کا تجربہ اور انٹرنیشنل کرکٹ کے دباؤ کی صلاحیت کو مدِنظر رکھا جائے گا۔

واضح رہے کہ ٹیسٹ کرکٹ میں سب سے کم عمر کھلاڑی کا اعزاز پاکستان کے حسن رضا کے پاس ہے جنہوں نے 14 سال 227 دن کی عمر میں سنہ 1996 میں زمبابوے کے خلاف ڈیبیو کیا تھا۔

Comments

یہ بھی پڑھیں