زنگ آلود اور جلی ہوئی استری کپڑوں کو خراب اور داغدار کرسکتی ہے لہٰذا استری کی نچلی سطح کو صاف رکھنا نہایت ضروری ہے۔
استری کی نچلی سطح کو صاف رکھنے کے لیے اے آر وائی ڈیجیٹل کے مارننگ شو گڈ مارننگ پاکستان میں نہایت آسان ترکیب بتائی گئی۔
ایک کٹا ہوا لیموں لیں اور اسے میٹھے سوڈے کے ساتھ استری کی نچلی سطح پر رگڑیں، اگر استری پر ایسے نشانات ہیں جو لیموں سے نہ اتریں تو ان پر میٹھا سوڈا لگا کر کچھ دیر کے لیے چھوڑ دیں۔
یہ نشانات میٹھے کے ساتھ نکل جائیں گے۔
اسی طرح اسٹیم والی استری کو صاف کرنے کے لیے اسے خوب اچھی طرح گرم کریں، ایک سفید کاغذ پر نمک ڈالیں اور گرم استری کو اس پر پھیریں۔
استری کی سوراخوں میں جمع گر د وغبار یا جلے ہوئے کپڑے کے ٹکڑے وغیرہ سب نکل آئیں گے اور استری صاف ہوجائے گی۔
استری کی سطح سے چکنائی صاف کرنے کے لیے کاغذ پر اسی طرح ٹیلکم پاؤڈر پھیلا کر بھی چکنائی صاف کی جاسکتی ہے۔
