وفاقی وزیر خزانہ حفیظ شیخ نے کہا ہے کہ پوری دنیاپاکستان کی معیشت میں بہتری کا اعتراف کررہی ہے ہمارے پاس چیلنجزبہت ہیں، بڑا چیلنج عوام کو کیسے ریلیف دینا ہے۔
سینیٹ اجلاس میں اظہار خیال کرتے ہوئے وزیر خزانہ نے کہا کہ عوام کوبتایاجائےاصل میں قرض کیوں لیے جارہےہیں، قرض اس لیےنہیں لیےجارہےکہ اس سےجائیدادیں بنائی جائیں، قرض لینےکی اصل وجہ ماضی کے قرضوں کاسوددیناہے۔
وزیرخزانہ نے کہا کہ ہمیں بحران کےحل کےلیےآئی ایم ایف کےپاس جاناپڑتاہے، سابق حکومت کی ڈالرکوجان کر سستا رکھنے کی پالیسی سےنقصان ہوا، ڈالر کوسستارکھنےکےلیےاپنےڈالرمارکیٹ میں جھونکنےپڑے۔
ان کا کہنا تھا کہ احساس پروگرام کابجٹ دگناکر دیا گیا ہے، حکومت نےاب تک جوبھی خرچ کیاعام آدمی پر کیا، حکومتی پالیسز کے اثرات آناشروع ہوگئےہیں اس وقت ایکسپورٹ میں بہت عرصے بعد اضافہ ہوا ہے ہم ایکسپورٹ مارکیٹ کوتیزکردیں توڈالرزمیں اضافہ ہوگا۔
