موسم گرما میں مکھیوں کی بہتات ہوجاتی ہے جو ذرا سا بھی کوڑا دیکھ کر اس کے ارد گرد منڈلانے لگتی ہیں۔
اگر آپ کے گھر میں ایک بڑا سا کوڑا دان ہے جس میں آپ گھر کا تمام کچرا جمع کرتے ہیں تو آپ جانتے ہوں گے کہ اس کوڑے دان پر کس قدر مکھیاں بھنبھناتی رہتی ہیں۔
ان مکھیوں کو بھگانے کے لیے کتنے ہی پاؤڈر اور اسپرے چھڑکے جائیں یہ تھوڑی دیر بعد پھر آجاتی ہیں، تاہم اب ایک ٹک ٹاکر نے ان مکھیوں سے نمٹنے کا آسان حل بتایا ہے۔
ٹک ٹاک کی اس ویڈیو میں ایک خاتون نے بتایا کہ کوڑے دان کو اچھی طرح دھو کر خشک کرلیں، اس کے بعد اس کی تہہ میں اچھی طرح نمک چھڑک دیں
انہوں نے بتایا کہ نمک کچرے سے نکلنے والے مائع کو جذب کرلے گا اور جب مکھیاں یا دیگر کیڑے مکوڑے اسے کھانے لپکیں گے تو وہ مر جائیں گے۔
اس ویڈیو کو ٹک ٹاک پر 50 لاکھ صارفین نے دیکھا اور بے حد پسند کیا۔ کئی صارفین نے ان ٹک ٹاکر کا شکریہ بھی ادا کیا جنہوں نے ان کی ایک بڑی الجھن حل کردی۔
