دنیا بھر میں آج سال نو کا جشن بھرپور طریقے سے منایا جائے گا مگر کچھ ممالک میں انتہائی مختلف انداز بھی اختیار کیے جائیں گے۔
دنیا بھر میں نئے سال کے یادگاراستقبال کی تیاریاں کی جا چکی ہیں۔ کہیں پھولوں بھری پریڈ ہو گی تو کہیں کرسٹل اسکوائر بال کو رنگ ونور سے بھر دیا جائے گا۔
دنیا بھر میں نئے سال 2025 کو نئی امیدوں کے ساتھ خوش آمدید کہنے کے لیے لوگ پرجوش ہیں۔ امریکا کا ٹائمز اسکوئر بھی نئے سال کو خوش آمدید کہنے کے لیے روشنیوں سے سج گیا تو لند کا تاریخی گھنٹہ گھر بگ بین بھی گونج اٹھا ہے۔
امریکی ریاست کیلیفورنیا میں رنگا رنگ فلاور پریڈ کی تیاریاں کی گئیں جہاں پھولوں سے بھرے فلوٹس سے نئے سال کو خوش آمدید کہا جائے گا۔
نیویارک کے ٹائمز اسکوائر پر نصب کرسٹل بال کی جھلک بھی دکھائی گئی ہے۔ کرسٹل بال کو زمین سے 130 فٹ کی بلندی پر پہنچانے کی کوشش کی گئی۔
700 پاؤنڈ وزنی اور 2488 کرسٹلز سے سجا بال آج شام مقامی وقت کے مطابق سارے رنگ بکھیرے گا۔
امریکا کی جنوب مشرقی ریاست جارجیا میں نئے سال کا استقبال ایک بہت بڑے دھماکے سے کیا جائے گا۔ 31 دسمبر اور یکم جنوری کی درمیانی شب 12 بجتے ہی ایک 16 سالہ خالی عمارت کو دھماکے سے اڑایا جائے گا۔
رومانیہ میں نئے سال پر شیطان کو بھگانے کے لیے شہری بھالو کا روپ دھار کر رقص کریں گے اور دیگر لوگ ان پر جھاڑو ماریں گے۔ ڈانس کرتے بھالوؤں پر جھاڑے مارنے کا رواج عرصہ دراز سے اب تک برقرار ہے۔
کس ملک میں سب سے پہلے اور کہاں سب سے آخر میں 2025 کو خوش آمدید کہا جائے گا۔
