ممبئی: معروف بھارتی اداکار ہریتھک روشن کی فلم ’وار 2‘ کی شوٹنگ سے متعلق اہم تفصیلات سامنے آگئیں۔
بھارتی میڈیا رپورٹ کے مطابق اداکار ہریتک روشن اگلے ہفتے سے ایان مکھرجی کی ایکشن تھرلر وار 2 کی شوٹنگ شروع کریں گے۔
رپورٹ کے مطابق آیان مکھرجی کی ہدایت کاری میں بنائی گئی یش راج یوینورس کی فلم وار کے سیکوئل میں اداکار ہریتھک روشن کبیر کے طور پر شوٹنگ کے لیے تیار ہے۔
بھارتی میڈیا کے مطابق اداکار ہریتھک روشن 23 فروری تک وار 2 کی شوٹنگ شروع کریں گے، فلم کی ایکشن ٹیم ہریتک کے ساتھ دو ہفتوں تک انٹرو کی شوٹنگ کریں گے۔
اداکار ہریتھک روشن وار 2 کے لیے سخت ٹریننگ کر رہے ہیں، تاہم اداکار اسی دوران اداکار کے کمر کے نچلے حصے میں چوٹ آئی تھی، اداکار نے ایک سیلفی بھی شیئر کی جس میں وہ بیساکھیوں کے ساتھ دیکھے جا سکتے ہیں۔
واضح رہے کہ ترن آدرش کے مطابق یش راج فلمز نے اعلان کیا ہے کہ ’وار 2‘ سال 2025 میں یوم آزادی کے موقع پر 14 اگست بروز جمعرات سینما گھروں میں نمائش کیلیے پیش کی جائے گی۔
سدھارتھ آنند کی فلم ’وار‘ میں ہریتھک روشن کو بطور ایجنٹ کبیر کو ناظرین نے بہت پسند کیا تھا، یہ فلم 2019 میں ریلیز ہوئی تھی جس کے بعد سے ناظرین کو فلم کے سیکوئل کا بے صبری سے انتظار تھا، تاہم جاسوس کے کردار میں ہرتیک روشن سلمان خان کی فلم ٹائیگر 3 میں نظر آئے تھے۔
