بالی ووڈ کے معروف فلم ساز راکیش روشن نے اپنے بیٹے ہریتک روشن کی سوزین خان سے طلاق پر خاموشی توڑ دی۔
بالی ووڈ اداکار وڈانسر ہریتک روشن اور سوزین خان نے 2000 میں شادی کی تھی، انکے بڑے بیٹے ریہان روشن 2006 جبکہ چھوٹے بیٹے ردھان روشن 2088 میں پیدا ہوئے تھے۔
ہریتک روشن اور سوزین کی شادی صرف 14 برس ہی چل سکی دونوں 2014 میں الگ ہوگئے تھے تاہم علیحدگی کے بعد بھی انہیں اکثر ایک ساتھ وقت گزارتے ہوئے دیکھا جاتا ہے۔
ہریتک روشن کو خون میں لت پت دیکھ کر مداح پریشانی میں مبتلا
اب حالیہ انٹرویو میں ہریتک روشن کے والد و فمساز راکیش روشن نے بیٹے کی طلاق کے بارے میں گفتگو کی ہے، انہوں نے کہا کہ ریتک روشن کی طلاق غلط فہمی کی وجہ سے ہوئی ہے۔
راکیش روشن نے کہا کہ بیٹے سے تعلق ختم ہونے کے باوجود سوزین اب بھی ان کے خاندان کا حصہ ہیں، جو کچھ ہوا وہ ان دونوں کے درمیان تھا، میرے لیے سوزین اب بھی وہی سوزین ہیں۔
بھارتی فلمساز نے کہا کہ ہریتک اور سوزین ایک دوسرے سے محبت کرتے تھے، پھر ایک غلط فہمی ہوئی، یہ ان کا معاملہ ہے کہ وہ اسے کیسے حل کرتے ہیں لیکن جہاں تک ہمارا تعلق ہے وہ ہمارے گھر خاندان کے طور پر آئیں تھیں اور اب بھی ہمارے خاندان کا حصہ ہیں۔
واضح رہے کہ اداکار ہریتک اور سوزین خان نے کبھی اپنی طلاق کی وجہ عوام کے سامنے نہیں بتائی ہے تاہم دونوں اکثر اپنی ذاتی اور پیشہ ورانہ زندگی میں ایک دوسرے کا ساتھ دیتے نظر آتے ہیں۔
