The news is by your side.

Advertisement

کراچی سے پکنک پر جانے والے ایک ہی خاندان کے سات افراد ٹریفک حادثے میں جاں بحق

اوتھل : لسبیلہ کے ساحلی شہر وندر کے قریب قومی شاہراہ پر ہولناک ٹریفک حادثہ پیش آیا ہے جس میں سات افراد جاں بحق، چار زخمی ہوگئے، ہلاک شدگان میں دو خواتین اور دو بچے بھی شامل ہیں۔

تفصیلات کے مطابق لسبیلہ کے ساحلی شہر  وندر کے قریب قومی شاہراہ پر ہولناک ٹریفک حادثہ میں 7سات افراد جاں بحق جبکہ چار زخمی ہوگئے، سول اسپتال میں طبی سہولیات کے فقدان کے باعث زخمی درد سے تڑپتے رہے۔

حادثہ اس وقت پیش آیا جب قومی شاہراہ پر کراچی سے پکنک پر جانے والی تیز رفتار ویگن نمبر سی آر0781 سڑک کنارے کھڑ ے مزدا ٹرک سے جا ٹکرائی، حادثے کے نتیجے میں وین میں موجود سات افراد موقع پر جاں بحق ہوگئے، ذرائع کے مطابق وین میں گیارہ افراد سوار تھے جو کنڈ ملیر جا رہے تھے۔

جاں بحق ہونے والوں میں محمد عظیم ولد حیدر، فرح ناز زوجہ محمد، شاہ زین ولد محمد عظیم، محمد رمضان ولد تاج محمد، فاطمہ بی بی زوجہ رمضان، زہرہ بی بی بنت محمد رمضان جبکہ ایک زخمی راستے میں دم توڑ گیا جبکہ سید ملک ولد محمد عظیم، پارس ولد برکت، انعم بنت وسیم، عضیب ولد لیاقت شدید زخمی ہوگئے۔

زخمیوں کو ابتدائی طبی امداد کیلے جب آر ایچ سی اسپتال وندر لایا گیا تو اسپتال میں طبی سہولیات نہ ہونے کی وجہ سے زخمیوں شدید مشکلات کا سامنا کرنا پڑا، بعد ازاں انہیں کراچی منتقل کردیا گیا ۔

جاں بحق اور زخمی ایک ہی خاندان کے بتائے جاتے ہیں جن کا تعلق کراچی کے علاقے لیاقت آباد سے بتایا جاتا ہے،اس شاہراہ پر آئے روز ٹریفک حادثات کی وجہ سے اسے خونی شاہراہ کا نام دیا گیا ہے۔

Comments

comments

یہ بھی پڑھیں