The news is by your side.

Advertisement

عجمان کے حکمران کا کم آمدنی والے افراد کے لئے اہم اعلان

عجمان: عجمان کے حکمران نے کم آمدنی کے حامل خاندانوں کے لئے چار ملین درہم کی خطیر رقم عطیہ کردی ہے۔

میڈیا رپورٹ کے مطابق سپریم کونسل کے رکن اور عجمان کے حکمران شیخ حمید بن راشد النعیمی نے عجمان میں کم آمدنی اور کم مراعات کے حامل خاندانوں میں چار ملین درہم تقسیم کرنے کے احکامات جاری کئے ہیں، یہ اقدام اس وقت اٹھایا گیا ہے جب شیخ حمید کی عجمان پر حکمرانی کی چالیس ویں سالگرہ منائی جارہی ہے۔

حمید بن راشد النعیمی چیئریٹی فاوندیشن کے چیئرمین بورڈ آف ٹرسٹیز کی حیثیت سے عجمان ایگزیکٹو کونسل کے چیئرمین اور عجمان ولی عہد شہزادہ شیخ عمار بن حمید النعیمی اس اقدام پر عملدرآمد کو یقینی بنائیں گے۔

یہ بھی پڑھیں: سعودی ولی عہد محمد بن سلمان کا بڑا اعلان

چیئریٹی فاؤنڈ یشن کے ڈائریکٹر شیخہ ازا بنت عبداللہ النعیمی کا کہنا تھا کہ عجمان کے حکمران کی جانب سے کیا جانے والا عطیہ کم آمدنی والے خاندانوں میں تقسیم کیا جائے گا، انہوں نے بتایا کہ چار ملین درہم دو ہزار کارڈز میں تقسیم کیا جائے گا ، ہر کارڈ میں دو ہزار درہم ہونگے، جس سے عجمان مارکیٹس کو آپریٹو سوسائٹی سے بنیادی ضروریات کی اشیا خریدی جاسکیں گی۔

Comments

یہ بھی پڑھیں