حیدرآباد: نیشنل ہائی ویز اینڈ موٹر وے اتھارٹی کے افسران نے زخمی کتے کو طبی امداد فراہم کرکے بے زبان جانور کی جان بچالی
تفصیلات کے مطابق حیدرآبادسے ملحقہ سندھ کے ضلع مٹیاری کے ہائی وے پر موٹروے پولیس کے دو افسران کومعمول کی گشت کے دوران ایک لاوارث کتا سڑک کنارے زخمی حالت میں ملا جس کا کوئی پرسانِ حال نہیں تھا۔
جان بچانے کے بارے میں 7 غلط تصورات*
گشت پر معمور افسران ندیم خان اور طارق مسعود کے مطابق کتا کسی گاڑی سے ہٹ ہونے کے بعد سبب شدید زخمی تھا ‘ اس کی ٹانگ بری طرح متاثر ہو چکی تھی اور وہ حرکت کرنے سے قاصرتھا ۔
نیشنل ہائی ویز اینڈ موٹروے پولیس کے افسران نے اس بے زبان کو بھی تکلیف کے عالم میں بے یارومدد گار نہیں چھوڑا اور ہر ممکنہ طبی امداد دینے کے بعد مزید دیکھ بھال کے لیے مقامی نوجوان کے حوالے کر دیا۔
اس واقعے کے حوالے سے مذکورہ بالا افسران کا کہناہےکہ ہائی وے پر زخمی ہونے والے کسی جانور کو طبی امداد فرہم کرنا یقیناً ہمارےسرکاری فرائض میں شامل نہیں ہے لیکن مسلمان ہونے کے ناطے ہمارا دین ہمیں جانوروں پر بھی رحم کھانے کا حکم دیتا ہے اور انسانیت کے ناطے بھی یہ ہمارا فرض بنتا تھا کہ ہم مصیبت میں مبتلااس بے زبان کی مدد کریں ۔
تصاویر: عابد علی بھٹی
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
0
20
