پاکستانی فلموں اور ڈراموں کے سینئر اداکار ہمایوں سعید نے چیئرمین پاکستان تحریک انصاف عمران خان کے سیلاب متاثرین کی مدد کے لیے ٹیلی تھون میں بھرپور تعاون کی اپیل کر دی۔
ہمایوں سعید نے اپنے آفیشل ٹوئٹر اکاؤنٹ سے سابق وزیراعظم عمران خان کے ٹیلی تھون کا پوسٹر شیئر کرتے ہوئے لکھا کہ ہمارے لاکھوں بھائی، بہن اور بچے محفوظ پناہ اور خوراک کی تلاش میں ہیں۔
سینئر اداکار نے لکھا: ’یہ سیاست پر گفتگو کرنے کا وقت نہیں ہے، ہماری پہلی ترجیح یہ ہونی چاہیے کہ ہم اکٹھے ہوں اور متاثرین کی مدد کرنے کے طریقے تلاش کریں‘۔
انہوں نے لکھا کہ خواہ وہ طریقے حکومت کے ذریعے ہوں یا کسی سیاسی جماعت کے ذریعے، برائے مہربانی دل کھول کر اس میں عطیہ کریں۔
With hundreds of thousands of our brothers, sisters & children struggling to find shelter & food, this is no time for political discourse. Our first priority must be to come together & find ways to help them whether it's through govt or any political party. Pls donate generously pic.twitter.com/n8tND3DD5I
— Humayun Saeed (@iamhumayunsaeed) August 28, 2022