ہنگری کے وزیر اعظم وکٹر اوربان کا کہنا ہے کہ ‘غریب یوکرینی’ روس کے خلاف نہیں جیت سکتے۔
وزیراعظم وکٹر اوربان یوکرین جنگ کے حوالے سے اپنے مغربی اتحادیوں کے برخلاف رائے کا اظہار کرتے آرہے ہیں۔ ان کا کہنا ہے کہ کیف کی افواج کا روس کے خلاف جنگ جیتنے کا امکان نہیں ہے۔
دوحہ میں قطر اکنامک فورم سے خطاب کرتے ہوئے انہوں نے کہا کہ 15 ماہ قبل شروع ہونے والے تنازع کو سفارت کاری سے ہی حل کیا جا سکتا ہے۔
ان کا کہنا تھا کہ حقیقت یہ ہے کہ نیٹو فوج بھیجنے کے لئے تیار نہیں ہے اور یہ ظاہر ہے کہ میدان جنگ میں غریب یوکرین کے لئے کوئی فتح نہیں ہے جنگ صرف اسی صورت میں روکی جا سکتی ہے جب روس امریکا کے ساتھ معاہدہ کر لیں یورپ میں، ہم اس سے خوش نہیں ہیں لیکن یہ واحد راستہ ہے۔
ہنگری، جو کہ یورپی یونین اور نیٹو کا رکن ہے لیکن یوکرین میں جنگ شروع ہونے کے بعد سے تعلقات میں توازن برقرار رکھنے کا کام کر رہا ہے۔
