بالی ووڈ اداکار سنیل شیٹی کی نئی سیریز ’ہنٹر‘ کا ٹریلیر ریلیز کردیا گیا ہے۔
بالی ووڈ اداکار سنیل شیٹی کی فلم ’ہنٹر‘ ٹوٹے گا نہیں توڑے گا کے دیگر کرداروں میں ایشا دیول، راہول دیو، برکھا بشت، ٹینا سنگھ، چاہت تیجوانی ودیگر اداکاری کے جوہر دکھائیں گے۔
فلم میں سنیل شیٹی اے سی پی وکرم کا کردار نبھا رہے ہیں جبکہ سیریز کی آٹھ اقساط ہیں جس کے ہدایت کار پرنس دھیمن اور الوک باترا ہیں۔
ہنٹر میں دکھایا گیا ہے کہ سنیل شیٹی ایک گمشدہ خاتون کو تلاش کرنے کے لیے ممبئی کی جرائم کی دنیا میں قدم رکھتے ہیں۔
انسٹاگرام پر سنیل شیٹی نے فلم کا ٹریلر شیئر کرتے ہوئے لکھا کہ ’اے سی پی وکرم کی دنیا میں آپ کو خوش آمدید میری اس دنیا میں صرف توڑنے کی اجازت ہے ٹوٹنے کی نہیں۔
سنیل نے کہا کہ 22 مارچ کو ریلیز ہونے والی میری سیریز دیکھیں، یہ سیریز ایک او ٹی ٹی پلیٹ فارم پر ریلیز کی جا رہی ہے۔
