The news is by your side.

Advertisement

دوسری شادی کی اجازت نہ دینے کا ہولناک انجام

چنیوٹ : شوہر نے دوسری شادی کی اجازت نہ دینے پر بیوی کو زہر دے کر قتل کردیا، پولیس نے مقدمہ درج کرکے کاروائی شروع کردی ہے۔

تفصیلات کے مطابق چنیوٹ میں دوسری شادی کی اجازت نہ دینے پر شوہر نے ماں کے ساتھ ملکر بیوی کو زہر دیکر قتل کردیا ، پولیس کا کہنا ہے کہ نواحی علاقہ کوٹ اسماعیل کے رہائشی عنیقہ کی آٹھ سال قبل محسن حیات سے ہوئی, اور اس کے بطن سے دو بیٹیاں اور ایک بیٹا بھی پیدا ہوئے۔

گذشتہ ایک سال سے محسن حیات کی والدہ اس کی دوسری شادی کروانا چاہتی تھی, جس وجہ سے آئے روز گھر میں جھگڑے کے علاوہ عنیقہ پر تشدد بھی کیا جاتا تھا۔

تھانہ لالیاں میں درج ہونیوالے مقدمہ کے مطابق محسن حیات اور اس کی والدہ نے نامعلوم شخص کے ساتھ ملکر پانی میں زہر ملاکر زبردستی عنیقہ کو پلا دیا، جس وجہ سے اس کی موت واقع ہوگئی۔

پولیس تھانہ لالیاں عنیقہ کے ماموں نوازش کی مدعیت میں مقدمہ درج کرکے تفتیش شروع کردی ہے۔

خیال رہے سپریم کورٹ نے  فیصلے  میں کہا تھا کہ بغیر اجازت دوسری شادی پر پہلی بیوی کو حق مہر فوری ادا کرنا ہوگا، مہرمعجل ہویاغیرمعجل دونوں صورتوں میں فوری واجب الاداہوگا۔

عدالت کا کہنا تھا کہ دوسری شادی کیلئے پہلی بیوی یا ثالثی کونسل کی اجازت لازمی ہے، دوسری شادی کیلئے اجازت کا قانون معاشرے کو بہتر انداز سے چلانے کیلئے ہے کیونکہ دوسری شادی کیلئے اجازت کےقانون کی خلاف ورزی سےمسائل جنم لیں گے۔

Comments

یہ بھی پڑھیں