The news is by your side.

Advertisement

ملالہ یوسف زئی کے شوہر عصر ملک کون ہیں؟

نوبل انعام یافتہ ملالہ یوسف زئی گزشتہ شب پاکستانی شہری عصر ملک سے رشتہ ازدواج میں منسلک ہوگئیں, ایجاب و قبول کی مذہبی رسم برمنگھم میں ایک مختصر تقریب میں ادا کی گئی جس کی اطلاع ملالہ نے ٹوئٹر پیغام میں دی۔

ملالہ یوسف زئی کو تو دنیا بھر کے لوگ جانتے ہیں، تاہم ان کے شریک حیات سے متعلق نہ صرف دنیا کے دیگر ممالک بلکہ پاکستانیوں کو بھی بہت ہی کم معلومات ہے۔

ملالہ یوسف زئی کی جانب سے 9 نومبر کی شب نکاح کی تصدیق کیے جانے کے بعد پاکستانی انٹرنیٹ پر سب سے زیادہ عصر ملک سے متعلق ہی معلومات تلاش کرتے دکھائی دیے۔

 

View this post on Instagram

 

A post shared by Asser Malik (@asser.malik)

کون ہیں عصر ملک؟
ملالہ یوسف زئی کرکٹ کی بڑی مداح ہیں۔ اپنے متعدد انٹرویوز میں وہ اس کا اظہار بھی کرتی رہی ہیں۔ عصر ملک سے ان کی قربت کی ایک وجہ کرکٹ بھی رہی۔

عصر ملک پاکستان کرکٹ بورڈ کے ‘ہائی پرفارمنس سینٹر’ کے جنرل مینیجر ہیں۔ وہ اس سے قبل پاکستان سپر لیگ (پی ایس ایل) کی فرنچائز ملتان سلطانز کے ساتھ بطور آپریشنل منیجر کام کر چکے ہیں اور وہ پلیئر مینجمنٹ ایجنسی بھی چلاتے تھے۔

عصر ملک کا تعلق صوبہ پنجاب کے دارالحکومت لاہور کے متوسط خاندان سے ہے اور انہوں نے اپنی پوری تعلیم پاکستان میں ہی حاصل کی ہے، انہوں نے 2012 میں لاہور یونیورسٹی آف مینجمنٹ سائنسز (لمز) سے معاشیات اور سیاسیات میں بیچلرز کی ڈگری حاصل کی۔

عصر ملک نے ٹوئٹر پر جون2017 میں اکاؤنٹ بنایا تھا اور انہوں نے تاحال محض 982 ٹوئٹس کی ہیں اور ان کے وہاں پر 4 ہزار 402 فالوورز ہیں، عصر ملک نے ملالہ یوسف زئی کے ساتھ سب سے پہلی تصویر بھی انسٹاگرام پر ڈھائی سال قبل جون 2019 میں شیئر کی تھی۔

انہوں نے ملالہ کے ساتھ کھچوائی گئی جو سب سے پہلی تصویر شیئر کی تھی اس میں ملتان سلطان ٹیم کے مالک علی خان ترین، سابق کرکٹر ثقلین مشتاق، اداکار عدنان ملک اور ملالہ کے چند ساتھی بھی موجود ہیں۔

Comments

یہ بھی پڑھیں